MAITENA THICOIPE

PSIKOLOGOA | DONAPAULE

Edozein adinetan biziak eraman gaitzake psikologo baten gana.

NOR NAIZ ?

Donapaulen instalatzeko erabakia hartu dut laguntza psikologiko baten proposatzeko euskaraz edota frantsesez.

“Master II de Psychologie de la Vie Sociale et du Travail” eta “DU de Psychologie Clinique Interculturelle” izeneko diplomak ditut.

Haur, nerabe eta helduei zuzendutako laguntza psikologikoa eskaintzen dut, bakoitzaren bizipen eta beharrei adaptatua dena. Nere gana hurbiltzen den pertsonari harrera sendo zein profesionala emaitea dut helburu.

Egitura kolektiboei ere laguntza proposatzen dut : enpresa, elkarte edo instituzioei hain zuzen ere.

HAURRAK

Ongi ez den haur batek manera desberdinetan adieraz ditzazke bere sentipenak ; hitzekin izan daiteke , eta honako adierazpen desberdinekin ere :

mintzatzeko arazoak
bakardadea, eskolan jasan dezaken jazarpena, eskolako hutsegiteak
loaren galtzea, amets gaixtoak
lotura, harreman edo afektibitate arazoak
autoritatea onartzeko zailtasunak, frustrazioari intolerantzia, portaera arazoak
antsiedadea
janariari loturiko arazoak
fobiak, beldurrak
garbia izaiteko gaitasunaren galtzea
atentzio eta konzentrazio arazoak
…

Lehen kontsultan, haurra eta gurasoekin aipatuko ditugu laguntza eskaeraren arrazoinak. Horrela segimendua zein izan daiteken argituko dugu.

Ondoko pausoa, haurraren egoera aztertu eta ulertu : Horretarako, hainbat medioei esker (marrazki, joko, solas…) haurrak bere bizipen ta sentimenduen adierazteko espazio bat ukanen du.

NERABEAK

Nerabezaroa, haurtzaroa eta heldutasunaren arteko garai berezia da. Askorentzat garai honek nahasmendu ta aldaketa ainitz ekartzen ditu, maila guzietan (mentalki, afektiboki, harremanetan, fisikoki…).

Nahiz eta ez beti errex izan laguntza eskatzea, batez ere nerabezaroan, laguntza psikologiko bati dei egitea beharrezkoa izan daiteke fase garrantzitsu horretan.

Egoera zaila bizitzen ari den nerabeak jujamendurik gabeko eremu bat ukanen du. Galdera eta kezka guziak aipatzen ahalko ditu, bere erritmoaren errespetuan.

Hona kontsultatzeko motibo zonbaitzu :

bakartasun sentimendua, norbere baitan hetsirik egoitea
barne estimu txarra
konfiantsa eskasa
eskolako zailtasunak
adikzioak
lo egiteko arazoak
harremantzeko zailtasunak
depresioa, etsipena
nortasunari loturiko galderak
jazarpena
dolua
janariari loturiko arazoak
…

HELDUAK

Gehienetan psikologo baten gana joaitea ez da gauza errexa!

Batzutan gure baitan da, badakigu ez girela untsa. Beste aldi batzutan inguruko norbait da ohartzen. Eta gerta daiteke, psikologo baten gana joateko ideia luzatua zaigularik hainbat erreakzio piztea :

Badoa, badoa, jin bezala joanen da.

Ez du balio psikologo baten gana joaitea.

Bakarrik kudea dezaket, kuraia edo borondate aski badut.

Orain arte, beti lortu dut arazoen konpontzen horrelako laguntzarik gabe.

Ni ez da grabe, beste batzuek gauza dorpeagoak bizitzen dituzte !

Zer erran eta pentsatuko dute ingurukoek ?

Zer kondatuko diot nik ezezagun bati ?

Ez naiz ni arazo bat duena !

Denborarik ez dut.

Ez dut horren beharrik, untsa naiz nere buruan !

Egia da usu laguntza psikologorik gabe lortzen dela bizitzako gertakari latzei aurre egiten, eta beharrik !

Halaere, gerta daiteke mingarriegi den egoera edo bizipen batek, gainditzen ez diren blokeoek, hobeki izaiteko ahalmenak edota baliabideak oztopatzea.

Psikologo baten gana joaiteak, segimendu lagungarri bat ekar dezake, dugun erritmo eta egunerokotasunetik at, espazio proprio bat eskaintzen duelako.

Hala nola, bizitzako gertakari latzen aipatzeko, gainditzeko eta hoiekin aitzinatzeko espazioa da. Zertan giren ulertzeko ere, kontsultak permititu dezake gure baitan ditugun baliabideen xekatzea eta atxemaitea egoera hori gainditzeko.

Azkenean norberaren egoerari adaptatuko den konfiantsazko eremu batean inplikatzea da.Toki horrek permitituko luke ausarki hitz egitea, barne bizipenen galdezkatzea, eta sentipenen partekatzea profesional batekin.

Izan ere, kontsultak, etortzen den pertsona eta psikologoaren arteko konfiantsazko harremanean oinarritzen dira.

Hona kontsultatzeko motibo zonbaitzu :

erreakzio ala portaerak ulergaitzak direnean
bizian aitzinatzen ez denaren inpresioa
neke psikologikoa, ezintasuna, “burn out” (buraso gisa, lanean, laguntzaile/artatzaile gisa…)
antsiedadea, arrangura
sakonetik ezin kenduzko emozioak (jeloskeria, pena..)
egoera zailen errepikortasuna (maitasun desilusioak, laneko zailtasunak etabar.)
gaizki senditzea jakin gabe zergatik
bakardadea
dolua
estresa, kezka
barne estimu ahula
konfiantza eskasa
familia mailako gatazkak
burasotasun arazoak
norberaren burua hobeki ezagutzeko gogoa
…

PROFESIONALAK

Lan eta bizitza sozial arloetako psikologo berezitua naiz. Ondorioz, instituzio, elkarte ala enpresa bateko kide edo arduradunei laguntza berezitu bat proposa dezaket.

Arrazoin desberdinak izan daitezke :

kontestu aldakor bat edo transizio bat lagundu
lan baldintza jasangarriak sustatu
langile eta pertsonen ongi izatea segurtatu
gertakari larri baten biharamuna soleitu
…

Hainbat ildotatik segurta daiteke segimendu hori :

formakuntza edo sentsibilizazio tailerrak : etxeko laguntzailearen errola, “burn out”, arrisku psikosoziologikoak, burasotasuna, estresaren kudeaketa…
krisi garai baten kudeaketa : ondorioen inguruko trukaketa kolektiboa, azterketa eta perspektibak
segimendu orokorra : solas talde, praktika profesionalen azterketa, gainbehaketa

Egituraren beharrei adaptatua den segimendua hautatzeko laguntzen ahal zaituztet. Laguntza punktual bat (zonbait egun) izan daiteke edo hilabete zonbaitzuetako segimendu bat.

INFORMAZIO PRAKTIKOAK

ETXEZ ETXE

Arrazoi desberdinen gatik, gerta daiteke ezinezkoa izaitea psikologoaren kabineteraino joaitea.

Honako arrazoien gatik besteak beste :

mugikortasun zailtasunak
autonomia falta
haurdunaldia, amatasuna
eritasuna, elbarritasuna
bizi bukaera…

Horregatik, kasu horretan den jendeari kontsultatzeko aukera eskaini nahi dut, nihaur zuen etxera hurbilduz.

Donapaleutik 20 kilometrotara arte etor naiteke kontsulta baten egitera.

URRUNDIK ERE

Arrazoi batzuengatik ezinezkoa izan daiteke kabinetera etortzea kontsulta batentzat.

Kasu hortan bideokonferentziaz ere egiten ahal dugu kontsulta.

KONTAKTU ETA HELBIDEA

Disponibilitateen arabera, hitzordu har dezakezu interneten bidez hemen klikatuz :

Informazio gehiagorentzat:

Telefonoa : 06 49 86 66 48
Helbidea :

AMIKUZE OZTIBARREKO Osasun etxea

1355, Ezkilanbordeko bidea

64120 Aiziritze-Gamue-Zohazti

(Hospitalearen parean)

PREZIOAK

Helduentzako kontsulta : 50 euros
Haur eta nerabeentzako kontsulta : 45 euros
Etxez etxeko kontsulta : 50 euros
Bideo konferentziazko kontsulta: 50 euros
- Etxez etxeko ala kabineteko kontsulta bukatzen denean txekez edo sos idorrez pagatzen da. Aldiz, bideokonferentziaz egiten den kontsulta biramenduz ordainduko da.
- Kontsulta anulatzeko: 48 ordu lehenago abisatu bestela kontsulta ordaindu beharko da.
profesional mailako interbentzioak: aurrekontu bat eskatuz

KUADRO LEGALA

Eskualde Mailako Osasun Agentzian (ARS) erregistratua naiz, ADELI erreperterioan, honako zenbakiarekin: 64 93 0976 2
SIRET zenbakia: 888 791 365 000 16